My kinders is ampertjies 11 en 12. My seun sukkel redelik met tale, veral spelling en my dogter is die een wat weer met die wiskunde klei trap (gelukkig nie te ernstig nie). My seun het leeslesse by *  gedoen, een keer per week vir 'n uur en 'n half. Dit het hom geweldig baie gehelp, maar die lang les was sieldodend. Dit het later ondraaglik geword omdat hy net eenvoudig nie meer wou gaan nie. Die skooldag word net te lank en het gedurig gebots met sporttye en ander aktiwiteite. Dit kom ook teen 'n prys, so ons moes 2 keer dink voordat ons hom kon uithou vir 'n les.

Ek het Rotsreeks op die internet "ontdek" en was baie skepties en versigtig omdat mens nie verseker kan weet wat jy gaan kry nie. Internet kopies is nie altyd so suksesvol nie... Chanine was egter so geduldig en het my regtig met haar diens beindruk wat alle twyfel laat kwyn het.

Met die Rotsreeks doen ons nou tuis, vir 15 minute elke weeksdag, die nodige oefening. My kinders geniet dit vreeslik, want dis kort en voldoende. Wanneer hier maats kom kuier (wat gereeld gebeur) wil hulle ook elkeen 'n beurt he! Op die manier word dit ook in my huis geadverteer. Ek het 'n vriendin wat tuisonderrig gee en sy was so beindruk met die program dat sy tans besig is om haar man se arm te draai om dit ook aan te koop. 

Dit is werklik maklik om te gebruik, die kind se intelligensie of "vlak" word nie geadverteer nie, so daar is nie kompetisie tussen die kinders nie. Die een voel nie minder of meerderwaardig teenoor die ander nie, want elkeen gaan aan op sy eie pas. Ek gebruik ook die addisionele onderrig vir die kinders ten spyte daarvan dat daar nie 'n probleem in die area is nie, maw wiskunde vir die taalprobleem kind en andersom. Dit het ook baie gehelp om wiskunde oefeninge te doen en probleemareas te identifiseer vir die eksamen.

Dit is die enigste program in Afrikaans wat spoedlees oefeninge aanbied sonder dat duisende rande gespandeer moet word. Dit is uiters effektief en raak regtig nie eentonig nie agv van die wye verskeidenheid. Dit meng nie in met ander aktiwiteite nie en gaan orals met ons saam - selfs op vakansie! Ons kan teen ons eie tempo en tyd werk. As ons vandag nie kon doen nie, haal ons more in en as ons nie kon inhaal nie - 15 minute 'n dag gooi nie die appelkar om nie. Dit werk steeds en die diens is puik!

Dankie Chanine vir puik program - 'n oplossing wat suksesvol is - en jou wonderlike diens.